|
A
B
Duje viecchie prufessure 'e cuncertino,
E7 A
nu juorno, nun avevano che fá.
B
Pigliájeno 'a chitarra e 'o mandulino
E7 A
e, 'nParaviso, jèttero a suná:
B7
Ttuppettù... "San Pié', arapite!...
ve vulimmo divertí..."
E
"Site 'e Napule?! Trasite!
e facitece sentí..."
A F# Bm
"V'avimm''a fá sentí doje, tre canzone,
E7 A
ca tutt''o Paraviso ha da cantá:
F#m E
Suspire 'e vase...Museca 'e passione...
A
Rrobba ca sulo a Napule se fa...
B
E 'a sera, 'nParaviso, se sunaje
E7 A
e tutt''e Sante jèttero a sentí...
B
'O repertorio nun ferneva maje:
E7 A
"Carmela, 'o Sole mio, Maria Marí'..."
B7
"Ah, San Pié', chesti ccanzone,
sulo Napule 'e ppò fá...
E
arapite stu barcone:
'A sentite 'sta cittá?...
A F# Bm
E, sott''o sole e 'a luna, vuje sentite
E7 A
sti vvoce, ca só' voce 'e giuventù...
F#m E
Si po' scennite llá, nun 'o ccredite?!
A
Vuje, 'nParaviso, nun turnate cchiù!..."
B
Ma, doppo poco, da 'a malincunía
E7 A
'e viecchie se sentettero 'e pigliá:
B
Suffrévano nu poco 'e nustalgía
E7
e, a Napule, vulèttero turná:
A
B7
"Mo, San Pié', si permettite,
nuje v'avimm''a salutá..."
E
"Site pazze! Che dicite?
Nun vulite restá ccá?!"
A F# Bm
"Nuje simmo 'e nu paese bello e caro
E7 A
ca tutto tène e nun se fa lassá:
F#m
Pusìlleco, Surriento, Marechiaro...
E A
'O Paraviso nuosto è chillu llá!"
E7 A
|
|
